ನೀ ಬರುವ ದಾರಿ

ನೀ ಬರುವ ದಾರಿಯಲ್ಲಿ ಹೂ ಮಳೆ ಸುರಿಯಲಿ 

ನಿನ್ನ ಮೊಗವು ಬೆಳದಿಂಗಳ ಚಂದ್ರನಂತೆ ಹೊಳೆಯುತಿರಲಿ 

ನಿನ್ನ ತುಟಿ ಅಂಚಲಿ ಸದಾ ನಗು ಕಾಣುತಿರಲಿ 

ನಿನ್ನ ಕೂದಲು ತಂಗಾಳಿಯಲಿ ಹಾರುತಿರಲಿ 

ನಿನ್ನ ಕಂಗಳು ಪ್ರೀತಿಯ ಹುಡುಕುತಿರಲಿ 

ನಿನ್ನ ಮಾತಲ್ಲಿ ಹಾಲು ಜೇನು ತುಂಬಿ ಬರಲಿ 

ನಿನ್ನ ಜೀವವು ಆಸರೆ ಬಯಸುತಿರಲಿ 

ಅನುರಾಗದ ಅಲೆಗಳು ಮೂಡಿ ಬರಲಿ 

ಮುಂಜಾನೆ ಮಂಜು

ಮುಂಜಾನೆ ಮಂಜಿನ ಇಬ್ಬನಿಯ 


ಚುಮು ಚುಮು ಮಾಗಿಯ ಚಳೀಯ 


ಹೊಂಬಿಸಿಲ ಕಿರಣದ ಅಪ್ಪುಗೆಯ 


ಇಬ್ಬನಿಗೆ ಥಳ ಥಳ ಹೊಳೆಯುವ ಹುಲ್ಲಿನ ಹಾಸುಗೆಯ 


ಗೆಳತಿ ನಿನ್ನ ಒಡನಾಟವ ಬಯಸಿದೆ ನೀ ಬರುವೆಯ 


ಆಹಾ ಈ ಮಧುರ ಕ್ಷಣಕೆ ಸ್ವಾಗತವ ಕೊರುವೆಯ 


ಈ ಬಾಳಿಗೆ ನೀ ಬೆಳಕಾಗಿ ಬರುವೆಯ 


ನಿನ್ನ ಆಗಮನಕ್ಕೆ ಕಾಯುತಿದೆ ಈ ಹೃದಯ 

ಮನದ ಬಯಕೆ

ಮನ ಬಯಸಿದೆ ಚೆಲುವಿನ ತಾರೆ 


ವಲವು ಬೇಡಿದೆ ಪ್ರೀತಿಯ ಧಾರೆ 


ಓ ಜೀವ ನೀ ನನ್ನ ಉಸಿರೆ 


ಸಾಕು ನಿನ್ನ ಮೌನದ ಮೋರೆ 


ನೀ ಮುಗುಳ್ ನಗುತ ನನ್ನ ಹತ್ತಿರ ಬಾರೆ 


ನನ್ನ ಹೃದಯಕೆ ಪ್ರೀತಿಯ ಬೆಳಕನು ತೊರೆ 


ಜೀವಕೆ ಜೀವ ನೀನಾಗು ಮನಸಾರೆ 

ನಿನ್ನ ಹಂಬಲ

ನಿನ್ನ ನಗುವನು ಕಾಣುವ ಹಂಬಲ 


ಬಯಸದೇ ಬಂದ ಭಾಗ್ಯದ ಭಾವನೆಗಳ  


ಒಲವಿನ ಸಾಗರದ ಅಲೆಗಳ 


ತುಸು ದೂರ ನೀ ಹೋದರೆ ಕಳವಳ 


ಬಾ ಇನ್ನು ಹತ್ತಿರ ಮನದಲಿ ತಳಮಳ 

ಮುಂಗಾರಿನ ಮಳೆ

ಚಿಟಪಟ ತೊಟ್ಟಿಕ್ಕುವ ಮುಂಗಾರಿನ ಮಳೆ

ದರೆ ಇಳಿದು ಬಾ ಭುವಿಗೆ ಪ್ರೀತಿಯ ಹೊಳೆ

ಪ್ರೇಮಿಗಳಿಗೆ ಸಂತೋಷ ಸಡಗರದ ಕಳೆ

ಜೊತೆ ಜೊತೆ ಉಲ್ಲಾಸ ಸಂಬ್ರಮದ ಸೆಳೆ

ಮನದ ಚಿಂತೆ

ಗೆಳತಿ ನನಗೆ ನೀ ಜೊತೆಗಿಲ್ಲದ ಚಿಂತೆ

ಜೊತೆಗಿದ್ದರೂ ನಿನ್ನ ಮೌನದ ಒಲವಿನಂತೆ

ನಾ ಹೇಳ ಬಯಸಿದರೂ ನಿನ್ನ ನಗುವಿನ ಮಳೆ ಸುರಿದಂತೆ

ಹೇಳಲಾಗದೆ ನನ್ನಲ್ಲಿ ನಾ ನಿನ್ನ ಕಳ ಕೊಂಡಂತೆ

ಬಯಸಿ ಬಯಸಿ ನಿನ್ನ ಬಳಿ ಬಂದೆರೆ ನೀ ಅಲ್ಲೇ ಮರೆಯಾದಂತೆ

ಜೀವನಕ್ಕೆ ಜೀವ ನೀ ಬಂದಾಗ

ಒಲಿದು ಬಾ ನೀ ನನ್ನೆಡೆಗೆ ನಗುತ

ಜಿಗಿದು ಬಾ ನೀ ನನ್ನ ಬಾಳನು ಬೆಳಗುತ

ನನ್ನ ಬದುಕ  ಕತ್ತಲೆಗೆ ಬೆಳಕ ಚೆಲ್ಲುತ

ನನ್ನ ಹೃದಯಕ್ಕೆ  ನೀನಾಗು  ಮಿಡಿತ

ಬದುಕಿನ  ಸಾಗರದಲ್ಲಿ  ಒಂದಾಗಿ ತೇಲುತ

ಬಾಳಿನ ಪುಟದಲ್ಲಿ ಜೊತೆಯಾಗಿ ಸಾಗುತ

ಆಗಸದ  ಪ್ರೀತಿಯ ಹಕ್ಕಿಗಳಂತೆ ಹಾರುತ

ನಮ್ಮ ಕಲ್ಪನೆಯ ಜೇನು ಗೂಡನು ಕಟ್ಟುತ

ಕುಣಿದು ನಲಿದು ಜೊತೆಜೊತೆಯಾಗಿ ಬಾಳುತ